ГХЯ-ны шуурхай ажлын хэсэг хуралдаж байна

Маргаашаас эхлэн БНХАУ-тай хил залгаа боомтуудаар орох, гарах агаарын болон төмөр замын зорчих хөдөлгөөнийг зогсоох шийдвэрийг Засгийн газар гаргасантай холбоотойгоор Гадаад харилцааны яамны шуурхай ажлын хэсэг яг одоо хуралдаж байна.

 

Тодруулбал, Бээжин, Шанхай, Хөх хот, Эрээний дипломат төлөөлөгчийн газруудтай видео хурал хийж, тухайн улсуудад байгаа иргэдээ хэрхэн эх орондоо татах мөн БНХАУ-ын талд мэдэгдэх зэрэг Засгийн газраас гаргасан шийдвэрийг хэрэгжүүлэхээр ийн ажиллаж байна.

 

Монгол Улс БНХАУ-тай хиллэдэг бүх хилийн боомтоо хааснаар хүндэтгэх шалтгаантай Монгол иргэдээ урд хөршөөс тусгай үүргийн онгоцоор авч ирэх юм. Уг ажлыг ГХЯ, Элчин сайдын яамд хариуцан ажиллах юм.



Сэтгэгдэл 0

АНХААРУУЛГА: Уншигчдын бичсэн сэтгэгдэлд Ask.MN хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.