Нас барагсдын тоо 106, халдвар авагсдын тоо 4,000 давлаа

Дэлхийн 13 оронд тархаад буй коронавирусаар нас барагсдын тоо 23 хувиар нэмэгдэж, 106 хүрч, халдвар авсан хүмүүсийн тоо 31 хувиар өсч 4,193 болжээ. Эдгээр хүмүүсийн ихэнх нь халдварын голомт болсон Үхань хотын оршин суугчид байгаа юм. Харин уг өвчнийг эдгээх тодорхой эмчилгээ, эм байхгүй байгаа ч эдгэсэн хүмүүсийн тоо 58 болсон байна. Бусад улс орнуудад халдвар авагсдын тоо:

  • Тайланд-8
  • Япон-4
  • Өмнөд Солонгос-4
  • АНУ-5
  • Вьетнам-2
  • Сингапур-5
  • Малайз-4
  • Балба-1
  • Франц-3
  • Австрали-5
  • Канад-1
  • Герман-1
  • Камбож-1

Шинэ төрлийн коронавирусын халдварыг дарахын тулд дэлхийн томоохон улс орнууд хүчин чармайлт гаргаж байна. ОХУ болон Япон улс коронавирусын эсрэг вакцин гаргах ажлыг эхлүүлээд байгаа бол Хятадын эрх баригчид халдварын тархалтыг хязгаарлахын тулд үндэсний их баяр Цагаан сарын баярын томоохон арга хэмжээнүүдээ цуцалж, хэд хэдэн хотод хөл хохио тогтоон, Бээжин хот Цагаан сарын амралтаа сунгаж байгаа юм. Түүнчлэн халдварын голомт Үхань хотод тархалт хамгийн өндөр байгаа ба тус хотод 1,000 ортой түр эмнэлэг барих ажил явагдаж байна. Мөн Хятад улсын эрх баригчид Үхань хот руу цэрэг, хууль сахиулагчид болон 1,000 эмчийн бүрэлдэхүүнтэй багийг нэмэлтээр томилон ажиллуулж байгаа аж. Дэлхийн бусад улс орнууд ч мөн хил гаалиа чангатгах, хорио цээр тогтоох, Хятад руу аялахгүй байх анхааруулга гаргах зэрэг арга хэмжээг авч байна.

 

Эх сурвалж: GUARDIAN



Сэтгэгдэл 0

АНХААРУУЛГА: Уншигчдын бичсэн сэтгэгдэлд Ask.MN хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.