Ц.Нямдорж: Монголбанкинд шалгалт оруул


УИХ-ын Эдийн засгийн байнгын хорооны хуралдаанаар “Эрдэнэт” үйлдвэрийн 49 хувийн худалдан авах ажиллагаатай холбогдох асуудлыг судлах үүрэг бүхий УИХ-ын Хууль зүйн байнгын хорооноос байгуулагдсан ажлын хэсгийн мэдээллийг сонслоо.

Ажлын хэсэг дүгнэлтдээ “Худалдан авах ажиллагаа нь Монгол Улсын хэд, хэдэн хууль, тогтоомжийг зөрчсөн” гэж үзжээ.

Уг дүгнэлттэй холбогдуулан гишүүд “Эрдэнэт” үйлдвэрийн улсад төлөх татварын хэмжээ 2016 онд буурсан шалтгааныг тодрууллаа.

Татварын ерөнхий газрын албаны хүний тайлбараар бол “Эрдэнэт” үйлдвэр 2015 онд 324.4 тэрбумыг, 2016 онд 117.8 тэрбум төгрөгийн татвар төлжээ. Татварын хэмжээ ийн буурсан нь УИХ-аас баталсан хуультай холбоотой гэнэ.

Учир нь дэлхийн зах зээлд зэсийн баяжмал нэг тонн нь 5000 ам.доллараас дээш гарсан нөхцөлд Ашигт малтмалын нөөц ашигласны төлбөрийг 16 хувиар тооцон авах, 5000 ам.доллараас буурсан нөхцөлд таван хувиар төлбөрийг авахаар заасан байна.

Өнгөрсөн жилийн хувьд дэлхийн зах зээлд зэсийн үнэ бууралттай буюу 4700 ам.доллар байсан, тиймээс татвараар төвлөрүүлсэн орлого нь буурсан юм байна.

СЭТГЭГДЭЛ ҮЛДЭЭХ

Сэтгэгдэлүүд